搞護膚品生意冇簽約
羅霖呻被偷橋
蘋果日報 2016/04/24 00:00
美魔女羅霖昨出席尖沙嘴舉行的「2016國際太太總決賽暨亞洲十大傑出女性獎」發佈會，為比賽擔任評判及代言人，她表示眼見不少女性為追求夢想參加比賽，就連60歲女性都可以參加，而她自己曾見過參賽者的孫仔孫女也前來支持，令她大為感動。
近期羅霖為做生意而減少幕前演出，除搞網購外，原本她還有意搞護膚品生意，但最後卻被過橋抽板。羅霖昨自爆說：「舊年同一個護膚品牌傾合作，中間開過好多次會，我畀好多意見，只差未簽合約，拖咗我好耐，對方一星期前以未必適合一齊合作為理由婉拒我，我知道佢私下用晒我啲概念，字眼、包裝同廣告都同我開會時提出一模一樣，產品仲用咗我寫真集個名《Timeless》！我有向佢哋了解，點知佢仲話個名冇註冊。」
近期羅霖為做生意而減少幕前演出，除搞網購外，原本她還有意搞護膚品生意，但最後卻被過橋抽板。羅霖昨自爆說：「舊年同一個護膚品牌傾合作，中間開過好多次會，我畀好多意見，只差未簽合約，拖咗我好耐，對方一星期前以未必適合一齊合作為理由婉拒我，我知道佢私下用晒我啲概念，字眼、包裝同廣告都同我開會時提出一模一樣，產品仲用咗我寫真集個名《Timeless》！我有向佢哋了解，點知佢仲話個名冇註冊。」
羅霖昨日自爆做生意被人過橋抽板，日後她定加倍小心免重蹈覆轍。
去年推出寫真的羅霖，本欲以寫真集書名跟人合作出護膚品品牌。
羅霖與筱靖昨出席「2016國際太太總決賽暨亞洲十大傑出女性獎」記招。
免嘥錢不追究
今次被人過橋抽板，羅霖表示不會太嬲，但揚言及早認清對方真面目，慶幸沒跟對方合作，她並笑言：「冇諗過喺呢行咁多年，𠵱家好似粵語長片橋段咁俾人呃，仲要瞞住我啲產品上晒架。」羅霖寄語世界是圓，多個朋友好過多個敵人，自己日後定會更小心，凡事要先簽訂合約，而為免浪費金錢及時間訴訟，羅霖決定不會追究。
此外，將為決賽擔任主持的筱靖，昨出席發佈會時透露獲有線電視邀請開拍資訊節目，加上自己經營餐館及工作室，收入完全不成問題。
採訪：卓寶花
攝影：陳俊強
此外，將為決賽擔任主持的筱靖，昨出席發佈會時透露獲有線電視邀請開拍資訊節目，加上自己經營餐館及工作室，收入完全不成問題。
採訪：卓寶花
攝影：陳俊強
筱靖透露將為有線拍資訊節目。