禾稈冚珍珠 暴現麒麟臂
東東嫌高妹唔就手嘥料!

蘋果日報 2003/04/11 08:00


陳曉東早前在雲南拍攝劇集《倩女幽魂》期間,特地請假一天到廣州為內地品牌佰奇美休閒服拍攝廣告,東東今次拍攝春夏服裝系列廣告,他在四小時內換了五十套衫,七位數字酬勞便袋袋平安。
東東說:「啲錢好似好易賺咁,但其實我影相之前捱咗幾晚通宵戲,瞓咗幾粒鐘就要起身影相,體力同精神都撐得幾辛苦㗎。」

拒着泳褲扮大隻
身高一米八的東東多年前為配合歌曲《心理遊戲》刻意健身,但一直都予人高高瘦瘦的感覺,想不到今次他穿上背心,露出粗壯的麒麟臂,全場工作人員看到都大叫一聲,直指東東「禾稈冚珍珠」,又稱讚他手臂健碩得來線條又好,更揚言要推薦東東拍攝健身用品廣告。東東聞言忍不住笑說:「拍埋健身廣告都好,但係我唔着泳褲擺大隻佬姿勢㗎。」東東稱平時在家或拍戲等埋位都會舉一下啞鈴。

身高平排唔好攬
廣告商還找來國內超模張揚與他一起拍攝,東東說:「佢有一米七九高,同我平排咁滯,攝影師叫我攬住佢影相,我未試過同個咁高嘅女仔合作,真係攬得好唔就手。」
廣告商發言人表示他們從未邀請藝人擔任代言人,今次挑選東東擔任代言人,是因產品針對十五至三十五歲年輕一族作目標客戶,而東東與服裝形象相當配合,故不惜花七位數字酬勞請他拍廣告。
採訪:蔡如玉