余曉彤(Hidy)同杜德智今日喺太古出席《香港健身Guide》調查發佈會。Hidy熱愛運動係潛水、跑步等運動發燒友，最近佢仲開始修讀專業教練課程，Hidy話：「市場上好少女教練，我發覺好多運動都需要用健身鍛練，之前膝頭痛咗好耐，都係靠健身鍛練四頭肌好返，對拍打戲都好有幫助。開始咗健身身形線條都好咗，朋友都會問我點操，我都想用專業嘅知識同佢哋分享，3個月後就會考第一個牌。」

原來Hidy喺健身時遇上男教練，曾經發生尷尬事件，佢話：「咁又未遇過咸豬手，不過始終教練要用手去接觸身體，有試過唔小心碰到敏感位置，所以女教練係有潛在市場。」現時Hidy正拍攝《辣警覇王花2》，佢大讚前輩楊崢弗爆，更視對方為目標。