《同班同學》之前喺日本參加東京電影節，打入亞洲未來單元競賽部份，彭浩翔同三位女主角郭奕芯、廖予妤、麥芷誼同導演陸以心，今日去新城接受訪問。

彭浩翔話今次套戲喺日本都好受歡迎，有好多片商傾緊喺嗰邊播映，佢哋都希望可以再去日本宣傳。

問到三位女演員想唔想喺日本發展？佢哋話：「我哋唔識日文，溝通唔到，更加以為嗰邊一定係男粉絲多，點知好多成年女士鍾意我哋，可能我哋講青葱歲月有共鳴。」