之前話自己唔係商台杯茶，因為「我嘅歌曲比較商業，佢哋係年輕人電台，我喺嗰邊成績都唔係太好，希望今年可以能夠有一點點小小進步。依家係商業社會，唔係幾個人可以解決。」如果克勤今晚真係拎到男歌手嘅話，今次會係克勤「成立三十年」以嚟，第一次拎叱叱男歌手金獎。

終於，今晚克勤憑《失魂記》摘至尊金曲，今次亦係佢首次拎呢個獎。入行三十年。

日前克勤出席《勁歌》頒獎禮時，慘遭網民指同後輩爭獎，亦有網民指摘無綫不尊重克勤，無論網民立場係Buy定唔buy，克勤都承受了不少壓力。所以宣佈得獎一刻，台下的克勤保持微笑，態度有點拘謹。

克勤與歌曲監製馮翰銘一齊上台，克勤接過獎座，搖了搖頭，然後舉高，台下報以熱烈掌聲。

克勤深呼吸了一口氣：「實不相瞞，叱咤頒獎禮第一次fing旗仔嘅時候，我已經喺度。衷心多謝每位有播過呢首歌嘅DJ朋友。」另又特別感謝唱片公司英皇及團隊，特別多謝Mary，他笑言：「我唔喺度歌頒你喇，我會直接叫Mani加你人工。」

頓了頓，克勤再說：「我嘅優點就係，我有缺點，而且我知我嘅缺點喺邊，知道有啲乜嘢需要改造。我係八十年代歌手，亦需要與時亦進，一路行一路有好多嘢要放低，加番啲新嘅零件上去。而幫我砌好多零件，踢走好多無用嘅零件嘅人，就係我隔籬呢位神（指馮翰銘），我哋心靈相通到冇約都可以著埋同一牌子鞋同衫，但心靈相通嘅可能係我哋嘅太太，我鬼識時裝咩。」

馮翰銘就笑言，佢入行嘅年資，係李克勤嘅一半，眾大笑。馮翰銘又感謝因為李克勤，為佢帶來三個獎，並深深向克勤鞠躬：「想大家俾一次獎聲李克勤先生。做咗三十年，任何工業、崗位嘅人，都會『滑牙』，而一個『滑晒牙』嘅人，可以用三星期剪一個MV。」馮翰銘打趣謂其實佢冇資格拎監製獎：「佢（克勤）監製我監製佢。」最後他說：「香港人只要肯捱，肯博，我哋係OK嘅！」

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP