第30屆金雞獎頒獎典禮噚晚喺吉林市舉行,徐克導演嘅《智取威虎山》成為大贏家,得到最佳導演、男主角同最佳剪輯3個獎,而且徐克係第一位得金雞獎嘅香港導演,張涵予就憑呢部戲封帝。而巴德瑪憑蒙古片《諾日吉瑪》爆冷獲影后,擊敗大熱趙薇同湯唯。最佳故事片獎由《狼圖騰》奪得,《黃金時代》嘅李檣就得到最佳原創劇本獎。
據悉劉德華憑《失孤》角逐金雞影帝,佢嘅評分與張涵予很接近,但最後經過一輪討論,評審都係偏向投票畀張涵予,而《親愛的》嘅趙薇同巴德瑪最能得到評審垂青,只不過部份評審認為巴德瑪表現淳樸細膩、生動而不著痕跡嘅表演深深打動觀眾同評審,最後能擊敗勁敵趙薇。