商台節目《左右大局》昨日電話訪問張健波,一度質疑對方製造新聞:「如果因為《明報》呢個飯局,而製造咗呢單新聞,算唔算係參與多咗呢?」張健波回應時稱,《明報》並無報道過上述新聞。「我哋係有十次飯局,去聽各方對政改方案唔同嘅睇法,完全冇問題。至於由呢個飯局衍生出來嘅嘢,就唔係我哋安排飯局嘅人可以控制到。」
對於主持質疑《明報》應否擔當說客角色,張健波說:「我哋本身社評一定有自己立場,我哋覺得同中央傾係好嘅,所以冇問題。我哋將自己旗幟鮮明嘅立場講出來,呢個算唔算係游說呢?我哋覺得應該為香港民主往前走盡一點力,咁席間拎出來傾冇問題。」對於為何邀請梁愛詩出席,張解釋是因梁「係關心香港,又同中央有關係嘅人」。