續談到周永恒於nowTV節目中被心理專家指其有自殺傾向，周永恒就開始又喊又笑，情緒反覆令人擔心。

主：幾時有自殺念頭？
周：喺發現屋企破碎晒嘅時候(微笑)好多人想我死，但係我諗起兩個女，又唔亂諗喇。太太又係咪想我死呢？如果係嘅話，我可以死俾佢睇，但又覺得呢個唔係解決方法。

周：我依家每日都會同兩個女瞓，見到個大女，就好似見到阿Yu咁。望住佢就可以止到痛。

然後佢又好凝重咁話:「兩個女係我條命，所以我必須要維繫一個完整家庭。（開始又笑又喊）希望佢哋見到父母恩愛嘅時候（開始喊），我求下大家幫我諗下辦法，你哋覺得我賤格又好點都好，幫我諗下第日兩個女點過？會俾人哋點睇。我賤唔緊要，佢哋係無辜，有咩箭頭，我一個人攬晒。」