當年今日
關於我們

【閨蜜干政】朴信惠 南寶拉撐集會 要求朴槿惠下台

蘋果日報 2016/12/04 12:00

朴槿惠朴信惠南寶拉閨蜜干政

南韓總統朴槿惠因為容許閨蜜崔順實干政令國民不滿,噚晚舉行第6次嘅集會,要求朴槿惠下台,全國多達232萬人參加,據知係目前為止最多人參與嘅一次。而藝人包括男星劉亞仁、女星金裕貞等都唔怕被封殺,多次以行動或網上貼文支持集會,獲粉絲大讚夠勇敢。
而韓片《陽光姊妹淘》女星南寶拉噚晚亦有親身到集會現場,並於Instagram上載蠟燭嘅相片表示自己企咗出嚟,有唔少粉絲留言叫佢要注意安全,至於韓劇《Doctors》女星朴信惠亦於Ig上載集會嘅相,不過佢就表示張相係第5次集會時影落嘅,因為有工作無法出席噚晚嘅集會,但精神上都繼續支持今次嘅集會。