只有中五學歷、從事保險業的袁健培身材偏瘦,說話含蓄內歛,雖然熱衷炒股十幾年,但講起股票無口沬橫飛,沒炫耀戰績,原因是「講完又輸,輸完又贏,冇乜好講」。
問他個人投資戰績,他毫無頭緒,事關他買過的冧巴太多,出入太頻密,「有時想睇番早幾日沽咗隻股票,真係唔記得冧巴。」他只記得07年炒股最賺錢,賺到幾十萬,可惜翌年金融海嘯又輸掉一大筆。
跟好多散戶一樣,97年股災前,他受不住「別人買邊隻升邊隻」的誘惑,首度入市,結果輸掉3萬多,於是發奮刨投資書籍,讀過曾淵滄的書,從此沉迷於研究圖表和技術走勢,不信價值投資。
他相當有投資紀律,買一隻股升20至30%獲利,止蝕就盡快,跌8至10%一定走,不溝貨。雖然他在「爽組合」買入保綠賬面賺1.5倍,但自己一早止賺,為嚴守紀律,他不覺可惜。他也不做孖展,怕壓力大易輸,每隻股票的注碼約5至6萬元。