早前完成香港環島泳45公里慈善挑戰的方力申，今日於尖沙嘴出席藝術展覽，展出與「環島泳」相關的作品，當中包括小方出戰的泳褲。截至12月5日，小方是次環島泳為「點滴是生命」籌得逾915萬善款，小方說：「差90幾萬就到1,000萬，對我嚟講係好完美數字，冇諗過咁多藝人朋友捐款，以我所知過百萬善款係來自藝人，好多人主動拍片支持，出錢又出力。」

小方表示，環島泳完成一個月，但在街上依然獲得很多人支持及恭喜，小方說：「估唔到有好多男人支持，除咗讚之外，有人同我講話對我改觀，我心諗乜我形象好差咩，無論點都好，做藝人得到讚賞係好事。」對於會否將泳褲拍賣籌善款，小方說：「如果有人出50萬，我着緊嗰條都俾埋佢。」

小方現在有保持一星期練游水4次，日前參加先進泳賽勝出的小方說：「爹哋媽咪都有嚟睇，仲有幾廿部手機拍住我，初時要我同年紀細嘅參賽者一齊游，自己都有啲唔想，但係被同事當頭棒喝，話我身為方校長，我平時都同學生講唔好怕輸，但自己就怕，可能我贏得越多越怕輸。」

採訪、攝影：張明

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇