【邊個會贏】黃愷傑同老竇黃錦燊爭女 稱感覺特別又創新
蘋果日報 2020/06/17 16:53
爭女黃錦燊黃愷傑熟女強人
黃愷傑今日到尖沙嘴出席護膚品牌活動，武漢肺炎疫情期間，他盡量留在家中抗疫：「都係做gym同自己煮嘢食打發時間，因為成半年冇入健身室不在狀態，為咗ViuTV個劇《熟女強人》要操返，而家6嚿（腹肌）都返返嚟。」
黃愷傑與父親黃錦燊首次父子檔演出，兩人於劇中要爭女做情敵，他更會於劇中騷肌：「爸爸就唔使騷，佢（腹肌)犀利啲，6嚿變1舊，佢係高級版。」記者笑指爸爸想體驗與他爭女才接拍？黃愷傑說：「劇先爭，現實冇可能，我哋要追吳嘉麗，我都係接咗先知爸爸接，個劇本幾特別又創新。」問他與爸爸合作可有壓力？黃愷傑笑謂原本以為會在家與爸爸對戲，最後為免太刻意，還是留待在拍攝現場隨興發揮。
對於近日疫情有所緩和，政府亦宣佈放寬限聚令，但黃愷傑就指對疫情仍然要「睇定啲」，他說：「睇定啲先，好似北京原本冇事，而家突然又爆發，好多人問我幾時返去，我都唔敢。」他雖然未有計算損失，但肯定收入減少。
黃愷傑今日於尖沙嘴出席公開活動。攝影：仇志德
他表示為拍攝ViuTV劇集《熟女強人》而操肌。
劇中他將會跟爸爸黃錦燊爭女。
黃錦燊與黃愷傑。（資料圖片）