現年30歲嘅日本女星石原聰美入行15年，最近推出相隔6年嘅全新寫真集《encourage》，呢本遠赴古巴取景嘅新書，石原聰美花八天於當地拍下逾4萬多張靚相，從中再精挑細選刊於書內192頁內，更有5萬字嘅真情剖白，更採用石原聰美素顏照作封面。

《encourage》上架首天即登上amazon日本書籍銷售榜冠軍，當地Oricon統計8月28日至9月3日嘅銷售量，該書首周賣出4.2萬本，成為過去一星期最暢銷寫真集，據知出版社於開賣當日已決定加印。