警方昨日在旺角展開大圍捕，拘捕近300名無辜市民，其中大學生李小姐便是其中一名被濫捕的市民。她向《蘋果》透露，昨日她到旺角行街，至傍晚時份進入衛訊的西洋菜南街分店，突然多名警員衝入店內，聲稱他們涉嫌「參與未經批准集結」，又阻止他們離開，「男女要分開搜身，之後8點幾先正式拘捕，10點上車，去到警署又凌晨2點幾先落車，搞足成晚」。

由被捕到抵達秀茂坪警署期間，李小姐雙手一直被索帶綁上，不能去廁所，非常不便。其後她獲安排在警署內等候落口供，但由於冷氣溫度低，警員派發的毛氈亦未足夠在場人士使用，「有4、50人就好辛苦，要喺個露天停車場熱住等，完全冇冷氣」，另有部份被捕人士要求與律師會面，惟警員多番藉詞推搪，不停表示：「遲啲講」「得㗎喇」，即使有人昨晚已成功聯絡律師，但直到今午仍未能接觸律師。

她續指，幾乎所有人在沒有律師的陪同下落口供，警方更一度用軟硬兼施的手段，「佢（警員）寫咗好多張口供紙畀被捕人簽，裡面所講嘅嘢，包括警方舉過咩旗講過咩警告，好多人其實都唔知道……不停游說大家簽，又搵警司嚟嚇你一定要簽，如果唔係就要等更加耐」。

李小姐被扣留在警署差不多15個小時，其間警方僅提供一份火腿三文治予她作早餐，而且她患病需要服藥，警員亦沒有酌情處理，家人送藥到警署亦遭拒。直到下午5時左右，她才獲准保釋離開，「我走嗰陣都係得廿幾個人走咗，每一個鐘先畀幾個人走，我哋有問過點解要搞咁耐，但差人都一律話安排緊，不斷拖延」。

對於警方再次展開大規模的拘捕行動，濫捕無辜市民，她則表示非常憤怒，直斥警方無理執法，「望到扣留喺警館啲人，好多都係無辜市民，全部都係行過都俾人拉，仲要扣成廿幾個鐘」。

-----------------------------

你敢爆，我敢獎！ 立即WhatsApp 《蘋果》24小時爆相爆片熱線 或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！