今晚（27日）谷草賽事用最狹窄的C加3跑道作賽，度地儀指數2.70，場地掛牌為好至快地。如天氣情況許可下，將按計劃在第四場後進行壓地。

睇番上季9月28日首次谷草C加3欄賽事，當時掛牌好地及度地儀指數2.71，雖然有「信是有緣」及「開心駿馬」一放到底，但其餘場次卻見到居中後上馬連場建功，好似「得利多」、「舖舖旺」及「川河寶駒」都係從中後位置衝上，反先對手勝出，故此靠後勁食糊嘅馬，都唔可以睇小。

今戰列陣馬中，第四場「隨時候命」是全場唯一贏過谷草C加3欄之參戰馬，雷神輸完唔放手，不妨再追一次。

另外，第七場「雷公鑿」兩次角逐谷草C加3欄均非勝即位，窄場性能唔使懷疑，有力再下一城。