日本女子組合AKB48舉行嘅人氣總選，早前已由HKT48主將指原莉乃重奪冠軍寶座，指原仲講過奪冠的話，會開水着騷答謝粉絲支持，今晚佢終於兌現承諾！

HKT今日喺橫濱舉行嘅演唱會，尾聲果然加插指原嘅水着演出，TBS電視台直播節目《音樂之日》都有播出部份片段。HKT今日呢場騷當唱到Encore部份，17歲成員宮脇咲良就話：「有人嘅表演姿態仲未出現呢！話過攞第1就會為我們實現。」指原喺台上嘅白布後用15秒即場轉look，結果以泳裝現身，同隊友大唱HKT名曲《蜜瓜汁》，全場當然High爆，指原仲話已成功「脫貧」，由貧乳進化成巨乳一族喎！