電影《勁揪俠》（Kick-Ass）嘅17歲女星「紫天椒」嘉兒莫蕊茲（ChloeMoretz），早排傳出同碧咸（DavidBeckham）個15歲大仔Brooklyn發展地下情，繼早前一齊出席TeenChoice頒獎禮後，紫天椒前日為主演新片《如果我留下》（IfIStay）出席洛杉磯首映禮，Brooklyn都毫不避嫌咁以一身型仔打扮撐場。

點知事隔一日，紫天椒竟罕有地拖仔示威，佢返到紐約就同一個叫做JulianMoraes嘅巴西富二代高調拍拖，上次紫天椒同Brooklyn拍住上踩板，今次佢就同富二代密友踩單車，雖然身邊仲有其他朋友，但係佢兩個情到濃時仲十指緊扣，普通朋友唔會咁啩！？

失戀嘅Brooklyn仔成為情場輸家，查實佢個情敵早於去年已經同紫天椒行埋，仲喺instagram上載短片，仲一杯嘢飲齊齊啜㖭！