34歲宅男女神孫慧雪(雪雪)舊年8月底註冊，12月行禮，今年情人節半夜宣佈有咗，陀B三個月，為富二代Edwin Lo生雞BB(新聞連結： http://bit.ly/2kIQWPj )

目前粗身大細嘅雪雪BB，宣佈咗懷孕呢個喜訊後，亦唔介意同網民分享懷孕點滴，今日佢喺Instagram貼出大肚相，仲見到雪雪BB豐滿33C上圍兼晒事業線，佢留言：「讓我做個紀錄，這是剛搭正三個月的肚肚是這麼個大小，朋友都說算大，我覺得可能加了自己的肉肉，但醫生說小BB比正常size大了一週數寶寶要繼續健康成長。」就連同樣係大肚婆嘅吳若希都有like個post，互相鼓勵。

唔少陀過B嘅網民都覺得雪雪BB只係懷孕三個月，已經見肚，而且個肚都算大。其實之前雪雪BB都講過心急有BB，仲被傳過打算做人工受孕，又被影過養和醫院嘅體外受孕中心出現，排期接受人工受孕，Edwin全程陪住（新聞連結： http://bit.ly/2kmYDi2 ）。估唔到雪雪BB咁快有好消息！！！