當年今日
關於我們

格連:無人知點_樣打得贏勇士!

蘋果日報 2017/10/13 13:13

NBA籃球勇士火箭騎士祖蒙特格連

勇士前鋒祖蒙特格連(Draymond Green)一向都係話題人物,總係唔怕大大聲講自己嘅意見出嚟,呢位上季嘅最佳防守球員禮拜四就講咗句好爆嘅嘢,佢話:「啲人根本唔知道點_樣應付勇士!」
事緣火箭總經理莫利(Daryl Morey)之前話「勇士唔係無得輸」,有記者問祖蒙特格連點睇,佢一聽就自動波畀晒回應:「佢哋講緊乜_嘢,隊隊波都要重新諗過全部戰術,因為佢哋根本唔知點做好。」
祖蒙特格連亦都提到,如果騎士喺上季總決賽第4場唔係三分波著晒火,勇士早就橫掃對手捧盃:「佢哋唔係咁樣喪入24個三分波就畀我哋掃走咗喇,佢哋已經係全NBA最勁嘅第二隊,睇見佢哋亂晒個樣真係好過癮㗎,佢哋都好清楚,自己嘅機會根本係零呀!根本係完_全無機會呀,無得橫掃佢哋真係搞到我好嬲囉!」