當年今日
關於我們

【無意關微博】薛芷倫現身:不滿可以批評,但唔可以攻擊我樣貎

蘋果日報 2016/01/31 06:00

蘋果整容微博大陸變臉前妻薛芷倫網絡欺凌即時C1頭條周國豐ball后馬清偉楊小娟

薛芷倫(Fanny)、楊小娟、周國豐夫婦同太子鐘表老闆鄧鉅明夫婦,噚晚喺九龍灣展覽出席癌症基金會周年慈善餐舞會,噚日喺微博開post稱遭網民詛咒同惡毒言詞欺凌,Fanny噚晚依然一肚氣,佢話:「喺微博度係想抒發自己少少感受,其實欺凌事件係由我癌病到康復都未停過,所以我發聲同網民講。網絡平台唔係畀大家去宣洩嘅地方,佢哋不滿可以批評,但唔可以咁無理、人生攻擊、攻擊我樣貎,非常唔公平,所以應該停止。」

問Fanny有冇諗住刪微博,佢就話:「冇,中間曾經每日畀人鬧,收幾千評論,我唔係娛樂圈中人,但我每日嘅生活都畀呢啲評論困擾,好唔開心、好唔公平,對於癌康復者係應該要專重。」

五年嚟慘遭欺凌,咁有冇患上情緒病?Fanny就話:「冇,我平衡到,我唔會為佢哋影響生活,佢哋發聲,我都可以。網絡欺凌係社會唔好現象,年輕人應該放多啲時間喺社會有建設性嘅事上。」