港股在鼠年最後一個交易日跌市收場,股友忙於「年廿八,洗邋遢」,兼且外圍股市麻麻,大市成交疏落,唔夠340億元,恒指以12578結束鼠年,較上日跌79點。以往不少散戶慣性買些少股份「責」年,一方面貪個「倉」有股票,代表有餘錢投資,即係「富足」,另外,亦可博年初四港股紅盤高開。但今年唔多見有散戶咁做,明顯對後市有戒心。
牛年投資策略,星俠除維持首選國企股外,個別對大陸經濟較敏感股份都係留意之列,因環視全球,無乜國家今年可保經濟增長,而中國無論能否「保八」,始終都有一定增長,已比其他市場為好,希望循此思維捉路,牛年炒股能有理想回報。