杜麗莎(Teresa)同林一峰將於今日(8號)喺北角新光戲院舉行《杜麗莎「遇」林一峰新距離文化音樂會》，兩人噚晚為音樂會進行綵排，Teresa姍姍來遲，遲到半個鐘先到現場。

兩人現場演繹林一峰嘅《Thebestisyettocome》，Teresa直言十分興奮，搞到幾晚都瞓唔到。林一峰話：「我哋好夾，自己每日心情就好似上堂一樣，好似學緊嘢，自己成日都問Teresa意見。」有指Teresa出名惡死，林一峰就強調對方沒有鬧過佢，又指Teresa係好老師，亦相當嚴格，兩人不時會交換意見，有時Teresa練習佢嘅歌曲時，會打電話詢問佢意見同點樣演繹。Teresa亦話：「佢會教我中文，我就會教佢英文，我哋唱歌係可以鼓勵人。」






逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有李嘉欣訪問，仲有好多時裝靚嘢睇！