過去經常被網民質疑唔識正確戴口罩嘅林鄭，今朝現身行政會議前記招時，除咗一如所料，喺無睇過「港版國安法」條文下，繼續盲撐立法外，談到政府保就業「功績」時，更突然一邊扯面上嘅銅芯口罩，一邊「爆肚」話：「今日個口罩麻麻哋，唔知點解，可能洗得多，鬆咗。」連特首都要公開踩呢個被網民諷為「底褲口罩」麻麻哋，唔知過去一直硬銷呢個口罩嘅創科局有乜感受？

而當傳媒問到「限聚令」係咪今年7月1日前都不會取消時，林鄭疑似「扮儍」，突然問喺佢身邊主持記者會嘅特首辦助理處長（傳媒）姚繼卓：「限聚令有效期應該到7月2號，係咪啊？你都唔記得？」睇落似乎7月1日前，大家都唔使旨意政府會取消警方頻頻用嚟阻止巿民集會遊行嘅「限聚令」。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多