隔牆有耳：康文署搞革命展 - 李八方
蘋果日報 2010/09/17 00:00
明年係辛亥革命100周年，香港作為當年推翻滿清王朝嘅重要革命基地，自然有啲搞作。康文署今日起到明年3月16日，喺中環衞城道孫中山紀念館舉行《革命．再革命──從興中會到廣州政權》展覽。當好多人聽到起義就發狂、講到次主權就發癲，呢個擺明車馬叫香港人認同國父當年搞革命歷史嘅展覽，八方擔心隨時被人掃場，既然免費入場，大家好快啲去睇。
展「四大寇」玻璃底片
今次展覽展出90件珍品，60件由廣州博物館借出，其餘係孫中山紀念館藏品，唔少係首次在香港曝光。孫中山當年為咗逃避滿清追殺，曾在英國殖民地香港避難（即係《十月圍城》情節），同另外幾位反清志士楊鶴齡、陳少白、尤列喺香港搞革命，俾滿清政府形容為「四大寇」。
好多人都睇過四大寇同養和醫院創辦人關景良嘅經典合照，今次展覽除咗會展出呢幅黑白照片，仲搵到幅相嘅玻璃底片，極度珍貴。孫中山紀念館助理館長劉綺芳話，經過多年戰亂，呢塊玻璃底片難免有破損，經專家細心修復才可重現大家眼前。
孫中山喺1894年成立興中會，先後喺1895年同1900年，策動廣州起義同惠州起義，可惜失敗告終，痛定思痛後，1905年再聯合多個革命組織組成中國同盟會，合力反清。
為咗爭取各界支持與捐獻，同盟會展開強大文宣攻勢，創辦機關刊物《民報》宣揚革命信息。
今次展品之一，就有由廣州博物館借出當年其中一期《民報》。
好多人都睇過四大寇同養和醫院創辦人關景良嘅經典合照，今次展覽除咗會展出呢幅黑白照片，仲搵到幅相嘅玻璃底片，極度珍貴。孫中山紀念館助理館長劉綺芳話，經過多年戰亂，呢塊玻璃底片難免有破損，經專家細心修復才可重現大家眼前。
孫中山喺1894年成立興中會，先後喺1895年同1900年，策動廣州起義同惠州起義，可惜失敗告終，痛定思痛後，1905年再聯合多個革命組織組成中國同盟會，合力反清。
為咗爭取各界支持與捐獻，同盟會展開強大文宣攻勢，創辦機關刊物《民報》宣揚革命信息。
今次展品之一，就有由廣州博物館借出當年其中一期《民報》。
被滿清政府列為「四大寇」（左起）嘅楊鶴齡、孫中山、陳少白、尤列，當年以香港為革命基地。後排企喺度嗰位關景良，係養和醫院創辦人之一。
孫中山紀念館展出「四大寇」經典合照嘅玻璃底片，非常珍貴。
廣州博物館借出珍藏
除咗展出多件革命珍品，今次展覽亦介紹咗國父背後三個重要男人，分別係廖仲愷、朱執信、黃興，講述三人事迹同照片，其中仲有多幅黃興嘅墨寶珍藏，全部都係廣州博物館借出。劉館長話，呢三個人係孫中山得力助手同戰友，介紹革命歷史唔可以漏咗佢哋。劉館長預告，明年辛亥革命100周年，香港歷史博物館會有大型展覽，香港係革命基地，百年如一，名不虛傳。
mailto:[email protected]
mailto:[email protected]
呢份《民報》係同盟會嘅喉舌刊物。