蘇兆輝今季重返香港客串暫取得11場頭馬，雖然氣勢冇上場44場頭馬咁犀利，但最近幾個賽日成績唔錯，對上五個賽日贏出5場頭馬。

不過即使係英國冠軍級騎師，發揮都唔係場場令人滿意，好似今晚（22日）谷草第四場隻「醉開心」。

上仗挾新勝而來出戰首本嘅谷草1650米，結果放頭下只得第九名，結果被葉楚航飛起，今場換上本地薑潘明輝。

航哥上場賽前向蘇兆輝指示，「醉開心」出閘後守喺三、四位，不過礙於馬匹排12檔，一出閘後冇馬搶放，步速唔快，內側冇對手肯放之下，形成一道銅牆鐵壁，「醉開心」難以移入內叠，結果揀無可揀之下焗放。

雖然頭兩段已經較標準時間慢0.85秒，但「醉開心」唔擅長放頭，結果入到直路力弱，三甲不入。

「醉開心」上場輸可以歸咎於形勢，但航哥今場都決定換人，換上近期合作愉快嘅潘明輝，騎練踏入2020年後已贏出「二話不說」同「藍海策略」，今場「醉開心」仲要抽到4檔，形勢估計會大幅改善，有機會補中。

-------------------------------
田泰安贏馬都要插！陳華棟話明有兩駒下仗贏得
想知道係乜馬，立即入嚟睇【馬後炮】!
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------------------------
【過年必看!】鼠、牛、虎、兔、龍同蛇鼠年生肖運程
美女玄學家碧霞老師幫你趨吉避凶
-----------------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇