【買定花生？】森美視朱智賢偷食算「正常交往」 等事主解釋
蘋果日報 2020/04/28 17:15
森美偷食朱智賢黎振燁
（左圖攝影：仇志德）- 森美今天出席公開活動，提及曾合作的朱智賢的偷食事件，他表示等對方解釋再作判斷。
- 森美指近日多與兒子一起做運動，大讚兒子出色。
- 朱智賢昨日與黎振燁到山邊偷食蛋糕事敗後，一臉愕然。（採訪、攝影：孔志豪、朱志聰、吳耀輝、梁繼光）
大台「姣精」朱智賢與已婚上位男星黎振燁昨日被揭駕車到山邊偷食蛋糕，曾與朱智賢合作的森美今日到浸會大學出席記者會時表示，對朱智賢認識最深，他指當年拍攝節目《千奇百趣》最後一輯，朱智賢擔任邦女郎，森美說：「我都關心佢，佢都係大情大性嘅人，睇佢哋答覆係咩，食吓蛋糕都係正常交往啫，可能做藝人偷食蛋糕，（地點）唔好咁多人，等佢哋公開解釋再睇，希望佢哋真係食蛋糕啦！」
另外，森美的兒子早前由英國返港避開武漢肺炎疫情，他稱趁兒子留港未返英國上學，珍惜親子時間，與囝囝跑步做運動，森美說：「阿仔而家17歲，我體能唔差，但都唔夠佢跑，自從佢返嚟之後，我哋一家人傾偈都多咗，個女都多咗講嘢，大家都開心咗。」森美指兒子多方面比他優勝，又教他英文，森美說：「佢好多嘢都叻過我，我好多都做得唔夠好，只有教佢學做人要謙虛。」
一向提倡環保的森美，經常提醒大家愛護地球，他指現時地球氣溫上升，有機會令冰封在極地的細菌釋放出來，危害人類健康，他說：「朋友個仔日前喺深水灣游水，突然有條海豚篤佢背脊，逗佢一齊玩，大自然同我哋好密切。」
採訪：張明
攝影：仇志德
攝影：仇志德