蘇志威、吳麗珠、許秋怡、王愛倫、劉美娟、林雅詩、蔡一智噚昨晚喺北角睇音樂劇《我和青天有個秘密》特別場，原先由林欣彤參演嘅角色，轉由林穎彤續演，噚晚林穎彤着住性感谷胸出台服接受訪問，被讚谷胸比林欣彤更有睇頭，佢話：「唔係呀！我做咗兩場，噚日第一日做，戴咗七個鐘都好痛，之前Mag做，佢唱歌好出色，自己唔想失禮。」

蘇志威為今屆港姐擔任跳舞導師，點知官網將蘇老闆個名都寫錯，咁蘇老闆咪留言：「我喺TVB咁多年唔知我是誰咩」，今晚即場有人問蘇老闆係咪唔高興，佢否認話：「唔係第一次，我冇澄清，我不嬲都係嘻嘻哈哈，冇所謂，人有錯手，我都係想演出成功。」講到今次個港姐賽果有人質疑造馬，指任「校長」嘅鄭裕玲手持兩票選冠軍，佢話：「個評分機制唔知，咁嘅話會遵守個遊戲。」