當年今日
關於我們

鄺美雲想錄佛歌CAllStar釗鋒陪唱K

蘋果日報 2016/02/09 06:00

蘋果鄺美雲CAllStarcally即時釗鋒老人中心

今日大年初二,鄺美雲(Cally)下午就同CAllStar嘅釗鋒、有埋三隻寶貝狗及大批保暖外套去咗竹園一間老人中心做探訪,仲同大班老友記唱歌玩遊戲,三隻狗狗仲响班老人家面前表演跳欄。

Cally話今日帶咗過百件外套嚟,自己每逢新年都會嚟呢度探訪,今年仲特登同埋釗鋒過嚟,佢話:「佢好有心特登陪我嚟,我好鍾意聽佢唱歌,成日會嚟我屋企唱K。」

Cally話新一年會錄一首佛歌,而且又打算出一張發燒碟,隔咗好多年無出唱片嘅Cally話其實舊年已經想錄音:「一直無時間,近期新年又不停食年糕蘿蔔糕好傷聲,又未錄得住,希望今年可以錄得成。」

至於釗鋒就話嚟到老人院探訪就諗起以前爺爺都係住老人院,好想多做呢類型嘅探訪。