薛凱琪（Fiona）今日出席中環舉行嘅鑽飾品牌活動，早排Fiona憑《懸紅》獲澳洲「金考拉國際華語電影節」最佳女演員獎項，問到點慶祝？Fiona話同家人慶祝咗，又話入行九年冇同屋企人去過旅行，今次佢哋一齊去埋澳洲，仲留多三日去玩。原本我想全包，但公司對佢好好，包咗幾晚酒店。

講返佢有份參演嘅《低俗喜劇》被來自北京獲藝評獎嘅賈選凝斥侮辱內地人，Fiona話完全唔知情，若有機會亦想睇下個影評，問佢係咪感不忿？Fiona話：「其實我哋唱歌或者拍戲都歡迎任何批評，任何意見同文章我都有興趣睇。」問到會唔會安撫彭浩翔同杜汶澤，Fiona話：「佢哋係好有經驗嘅人，所以唔需要我安慰。」此外，對於近日熱話嘅「樂雨戀」，佢話同兩人唔熟，但希望大家畀空間佢哋。