當年今日
關於我們

【見到場務都讓路】高圓圓讚Juno好nice 搵位投訴杜琪峯太惡?

蘋果日報 2017/09/28 19:11

杜琪峯高圓圓Juno風林火山

麥浚龍(Juno)5年前已經構思嘅電影《風林火山》,有望今年內完成拍攝,今日Juno就同埋劉青雲、梁家輝、大陸藝人高圓圓、衛詩雅等人去到惠州出席宣傳。
家輝喺電影有個爛面裝,佢話每次化妝要3個半鐘,落妝一個鐘,仲好感動香港有新一代導演,睇到Juno嘅表現同對劇本追求細心,講到當年香港電影衰落,佢話:「係因為黃金時代冇第二梯隊,o依家有Juno呢啲咁出色新一代導演。」呢次係家輝同高圓圓喺電影上第一次合作,兩人之前喺拍賣會見過面,家輝話:「佢坐喺旁邊,好似女神一樣。」
圓圓就讚家輝暖男,喺拍賣會時冷氣凍,家輝就畀咗件外套佢披。戲中最辛苦要學廣東話,幸好唔算太多NG,講到導演,佢意有所指咁話:「Juno很有禮貌,很nice,他是那種見到場務員都會讓路的人,但是他的電影很有爆發力,證明導演不一定要靠兇,才有氣勢去拍好作品。」事實上,高圓圓就接拍過杜琪峯嘅《單身男女》系列,唔知出名惡嘅杜Sir又點睇呢?
青雲話拍攝過程,辛苦但好玩:「有啲重要場面稍後會拍,特別係有一啲幾分鐘一鏡過嘅戲。着厚衫都慣,唔算好辛苦。Juno畀我嘅感覺好有禮貌,亦都好理解角色同定位好清楚,因為劇本佢自己寫。」另外,衛詩雅今次第一次拍動作片同第一次開真槍,佢話:「有場要跳上家輝哥背脊借力追賊,我怕會整傷家輝哥同擔心會佢條腰嘅舊患,但佢堅持要自己上陣,事前又叫我放心盡力跳,我好佩服佢嘅專業。之前同青雲哥合作過《暴瘋語》但冇對手戲,今次終於可以合作,佢有教我搶鏡技巧,雖然佢好似好cool,但其實非常搞笑。」
empty
高圓圓(中)讚Juno好nice,仲話導演唔一定要靠惡。
empty
衛詩雅話要跳上家輝背脊借力,好擔心對方受傷。
empty
empty
empty
empty
高圓圓拍過杜Sir執導嘅《單身男女》系列。(資料圖片)