【本報訊】雨傘運動結束後，部份傘兵，散落各區深耕細作，昨日反修例遊行便是收成之日。有傘兵組織過往一直在社區避談政治只講民生，但送中條例令全城憤怒，才發覺原來街坊也非常關心政治議題。

不再避談政治

屯門社區網絡召集人黃丹晴由2010年開始參與社會運動，由反高鐵、反國教，直至傘運都沒有缺席，但每次都無功而還。黃回想當時確實感到疲累和沮喪，但他反問自己「係唔係未做得夠」。後來他組成屯門社區網絡，主力從事地區工作，直接接觸街坊，「話畀街坊知我哋唔係其他人口中嘅黃絲廢青，係實實在在做嘢嘅」。

黃指，過去為取得大多數街坊支持以確保可爭取議席，一直避談政治議題，所以今次動員上街也經過一輪掙扎，「但今次修例實在太嚴重，不要說參選權，連人權自由都被剝奪，咁我哋仲有咩理由唔出嚟？」於是他們動員展開組織工作，在區內擺放不同街站宣傳，「最後成功出咗三車旅遊巴（接送街坊參與遊行）。」他又指，過程中有部份從未談及政治議題的街坊也一起參與，甚至有人主動要求加入，「證明我哋地區工作都有啲成效」。
■記者梁御和