當年今日
關於我們

【楚雲聲】寶藏馬試閘sharp醒 神箭一放難收(Cloudy)

蘋果日報 2018/12/11 23:01

寶藏馬加州神箭Cloudy楚雲聲

國際賽日(9日)港隊大獲全勝之後,本季度首個「一節淡三墟」正式大駕光臨,淡到我啲馬友都廢鬼事睬我,叫我自己執生。
好喇,咁我就搵吓有乜好講,呢轉係高爾夫球會盃賽,同埋一堆以各類雀仔命名嘅讓賽,而我就唔識呢堆雀。
講吓隻我比較熟嘅「小雲雀」,學名係Alaudagulgula,別稱「百靈鳥」,好似占卜都有時關佢事。
由於我吱吱喳喳嘈嘈閉,故呢個都係我其中一個花名。但因為間中都會失靈,亦被戲稱為「小暈雀」,咁希望今次唔會......。
明晚(12日)第七場三班1000米知更鳥讓賽,「加州神箭」係麥廐(已解散)寶藏之一,前仗跑谷草1200米都近,捱到尾都斷唔晒,頭馬「越感」識贏完再贏,佢應該都識再上名啩。轉倉後試大閘醒神,快跳爽,如箭在弦mode。
今場快馬多,馬如其名嘅前速,排8檔大概會喺二疊走順後,搵機會再施展「走得快好世界」大法,有望早過對手少少到線。
腳會拖番「電訊兄弟」、「開心歡星」同埋「正陽清風」,跟住啲場次唔寫啦!諗起首恐怖英國童謠,有啲驚......。