泰國賣座電影《出貓特攻隊》喺香港打破泰片最賣座紀錄，在港上映已經40日，累積票房達2,430萬港元，成績相當驕人。

當《出貓》靚女「明詩」Oom日前來港出席星展銀行活動後，男主角「賓爺」Non同「柏豪」James喺泰國就繼續合體吸金，最近為香腸小食拍廣告，兩個拎住袋腸起勢咁shake，粉絲們個個睇完都話想食。

雖然「賓爺」同「柏豪」喺戲中水溝油，但兩人私下其實十分老友，噚晚二人又拍檔開工，喺休息間拍片自娛，見佢兩個公然依偎，hehe味濃，難怪早前佢哋去台灣謝票，已獲當地fans要求開拍《出貓》續集，仲話想加入BL（Boys Love）情節，希望「賓爺」同「柏豪」成為一對。

另外，《出貓》先後橫掃亞洲各地票房後，大陸都已定10月上映，大陸片名叫《天才槍手》。