謝玲玲今年61歲，仍散發着一種優雅明星女人味，仔女漸大了，她認為人生好短，何不尋找自己的興趣，如跳社交舞、做畫家，甚至重返校園。

剛於8月底，謝玲玲在香港舉行了人生第一個個人畫展，她希望未來20年內可以真正做一個畫家。

20年前因興趣跟當代國畫大師黃君壁習畫，謝玲玲表示：「佢個女介紹咗我畀佢爹哋，當時台灣、香港兩面住，就學咗國畫。之後，生咗最後一胎，又返咗工，老師過咗身就停咗。」於十年前，謝玲玲因仔女都大學畢業，人生終於有時間再拾畫筆，她愛畫畫自娛，未有想過做畫家：「送吓畀朋友、屋企人，到11年，朋友提議我捐畫去一個福音戒毒嘅晨曦會作慈善拍賣，就發覺可以用興趣幫人，兩年前，再捐畫去台灣生命優質協會籌款，幫老人家換假牙、助聽器及幫助弱勢團體。」

看謝玲玲的畫作，帶點印象派筆風的大自然風景素材，謝玲玲坦言愛旅行，更會將拍下的照片作畫畫構圖：「o依家好鍾意油畫，印象派啲，鍾意顏色好彩色，以前國畫黑白，依家覺得人生好開心好彩色。」她的畫作中，有畫過女兒的愛犬，卻甚少畫人像：「初初學畫畫有，但係唔覺得咁似，比較鍾意畫風景心境和諧同隨意啲，植物、杯、水果個類比較拘束啲，我鍾意自然開放啲，希望嚟緊可以有少少創意。」

採訪：梁錦雯
攝錄：葉君海
攝影：林德雄
場地：Beefbar

【閃耀人生女人心－謝玲玲(1)】返學有特權 婉君表妹的童星歲月
http://bit.ly/2pnLmVU

【閃耀人生女人心－謝玲玲(2)】忽然變荷李活Cult片女星 被加全裸戲
http://bit.ly/2pn7CQu

【閃耀人生女人心－謝玲玲(3)】23歲入豪門 永遠新抱感激奶奶一路幫助
http://bit.ly/2u9gJtg

【閃耀人生女人心－謝玲玲(4)】五子女全日受補習老師監督 虎媽：一定要碩士
https://bit.ly/2ucpLWq

【閃耀人生女人心－謝玲玲(5)】同林建岳離婚 謝玲玲傷心一年幸有奶奶撐
https://bit.ly/2HXiDPk