51歲嘅天王郭富城之前都自爆過想結婚，今日就被《蘋果》獨家發現已經入紙同29歲大陸網紅方媛(Moka)，於3月4日秘密入紙註冊。(新聞連結： http://bit.ly/2o92sW8 )

天王結婚呢件喜事，唔知城城身邊嘅朋友知道未呢？城城好友排舞師Sunny Wong被問到收到囍帖未？佢喺電話表示：「未呀，唔知喎！我真係唔知，如果係真嘅戥佢開心，o依家佢生活都ok，人始終要有個伴侶，恭喜佢，我未見過佢女友，自己都忙緊，演唱會之後好耐冇見佢。」

另外，Moka好友郭穎兒被問及對方結婚一事時，回應話：「事前真係唔知，聽到都覺得好戥佢開心，希望快啲生寶寶，同我一齊加入媽媽行列。」