港區人大代表年底換屆，人大常委范徐麗泰表明不會留任，她接受有線新聞專訪時，批評新一代從政者「恃票傲物」，拒絕理解及溝通，「新入去議會嗰啲，我睇到佢都唔想同你傾，『有幾多萬人選我嘅，選票大晒，我代表咁多人，你敢郁我咩？』嗰種咁嘅心態，大佬，唔係咁樣樣」。

翻查資料，范太早於1983年獲港督委任為立法局議員，其後更獲任行政局成員。1993年她由親英陣營轉投親中，接受中共委任的多項重要公職，1996年獲委任為臨立會議員，翌年當選主席。1998年和2000年她均循選委會功能組別晉身立會，並當選主席，至2004年才首次接受直選洗禮，以19%得票在港島選區獲1席，2008年當選人大常委後，不再參加立會選舉。

即將卸下全部公職的她，亦說出「臨別贈言」，「即使對抗你、同你意見不同的人，佢都係一個人，都係值得你嘅尊重，不要將佢哋妖魔化，因為當你妖魔化佢哋的時候，你自己都開始妖化。」

3年前，人大落下8.31框架3道大閘，范太稱此前確有反映民主派聲音，結果人大8.31框架以170票全票通過。她表明若港人不接受8.31，則不可能重啟政改，更批評民主派只為討好選民，保着其政黨利益或自己的政治前途，才不肯接受8.31，「啲西方朋友係咪話佢哋應該要接受（8.31）呀，而佢哋唔肯接受呀？因為驚着自己將來，個黨又好、個人又好，選票會大大減少吖嘛」。

過去10年，中央對港政策轉趨強硬，例如人大去年未待香港法院裁決，已先行就議員宣誓案釋法，但范徐麗泰指，中央治港原則一直沒變，只是手法有變；內地領導以前對港人「太客氣」，不會講得太白，現在只是「實話實說」，「反而好咗」。