雷神莫雷拉剛於周三（20日）谷中夜賽食白果，接戰周日（24日）沙田日賽繼續全院滿座，其座騎仍惡氣十足，隨時又再嚟個大反彈，連場數糊。值得一提再提，雷神近兩季食完白果後，接着一戰均有馬贏，唔追就蝕底。

今朝（21日）雷神先替米高鄭匹「超然」在大跑道單試800米，其後策騎沈集成馬房拍賣會貴價馬「家品皇者」往1800米草地拍跳考驗。兩匹戰馬試來固然吸引，動態亦搶眼，只見兩位掌舵人寸步不離打點，試跑後即向鞍上人問長問短，睇嗰勢志在必得。