中大為咗迎接三年制改四年制，於是用咗7億起5間規模較小嘅新書院，其中一間晨興書院終於正式落成揭幕。咪睇晨興書院係小型書院，單係建築費就用咗一億，重係由英籍諾貝爾經濟學獎得主莫理斯做院長，而且收生目標以國際化為主，現有132名學生入面，港生只有28人，其他學生主要嚟自世界各地同內地，係中大入面最國際化嘅書院。
晨興書院設計都好有英國風味同特色，書院用咗大量木料做裝修，宿舍窗口由三個大窗組成，同其他宿舍「公屋式」窗仔有好大分別，書院宿舍除咗有電腦室、小型廚房、活動室之類基本嘢外，入面重有間「鏡房」，宿生可以用嚟跳舞又得、做瑜伽又得，真係唔輸蝕過好多私人屋苑！