【新增動新聞】
法國知名廚具品牌Le Creuset一連4日的大減價今日在富豪香港酒店展開，部分產品更低至3折，減價活動分時段予市民進行選購，記者下午時份到達現場，即使曾一度下大雨，仍然無阻購物興致，現場所見有近200名市民到場排隊等候入場購物。

郭先生購買了一個名為「Pie Bunny」的兔形產品，在焗糕點時可用作釋出蒸氣，「本身嚟呢到都係諗住買呢個，可能有啲人見到其他人搶購會都被影響到意慾，想買埋一份，但我係一個堅定嘅人，所以就無被影響到」。郭先生指，自己排隊等候選購近一小時，「我見到呢個產品好似無特價」，但他直言逛街的過程是享受，「所以都唔會因為剩係買咗一樣嘢或者無特價而覺得浪費咗時間，都係諗住放鬆吓」。

葉小姐表示購買了3個鍋具和一些調味料樽，花費近4,000元，直言「抵買」，「有啲產品平咗都有一半，平時貴就唔買，依家平啲就嚟買，我都有用開呢個牌子，今次嚟本身都係諗住買煲同買鑊，睇啱就會買」。葉小姐排隊約20分鐘便能入場選購，「都好多人，有啲心水嘅煲都俾人買晒喇」。

方小姐指從社交媒體上得知是次減價活動，她指本來並沒有指定產品需要購買，「見減價咪嚟睇吓囉」，結果以1,160元購買一個鍋具，排隊近一小時的她直言，「排咗咁耐隊，唔買唔抵啊嘛，又覺得呢個煲啱用，我都唔知出面賣幾錢，平時無買開呢個牌子，係比其他牌子貴啲嘅」。