今晚（13日）谷草賽事用B跑道，度地儀指數2.79，場地掛牌為好地至黏地。如天氣情況許可下，將按計劃在第4場後進行壓地。

最近5月16日同一移欄賽事，當晚度地儀指數2.69，雖然都有唔少居中後上馬勝出，不過放頭入直路之馬匹亦合共取得兩勝四位之驕人成績，如「自由旺」及「皇仁先鋒」均一放到底贏馬，若然臨場有雨更加要秤先具前速之馬。

徐雨石於上次5月16日谷草B跑道夜賽食大四喜，當中兩匹頭馬「悅目星光」及「好友益」今晚又遇福地，列陣第二、五場，分分鐘歷史重演再贏馬。

另外，第二場「盈豐駿駒」五次角逐谷草B跑道獲一勝三位一殿，淋地亦曾上名，用黃俊減磅擺前走可帶來威脅。