民以食為天，香港人為食嘅程度，係無分年齡。康泰旅行社由2013年開始推出「名家食番天」團，邀請名人合作設計旅程，團友全部係到當地著名食府飲飲食食，包括有米芝蓮星級餐廳添。康泰市場推廣及業務發展助理總經理樂紹基話，每年報團人數都上升，已累積人次達4000位，8成以上係50至65歲客群，多數係有經濟能力嘅在職人士同退休族，反映呢批客係市場發展潛力大。

康泰今年就食住上，推出「名家品味行2018」，頭炮仲請嚟名模兼旅遊達人楊崢做榮譽領隊，由楊崢帶你遊走東京及草津，享受日本溫泉百選第一名嘅草津溫泉！康泰仲話未來會物色名人同旅遊KOL合作，帶大家周圍去。