當年今日
關於我們

【英超最茅】車仔紅魔霸頭兩位 紅軍最斯文

蘋果日報 2017/09/22 04:00

車路士阿仙奴曼聯利物浦熱刺哈特斯菲爾德

英超迄今踢咗五輪賽事,邊支球隊最茅,結果可能令大家跌爛眼鏡。原來根據統計,喺犯規次數排行榜中,頭兩位依次係車路士同曼聯。
車仔共錄得68次犯規,冠絕英超20隊,但其實都唔係好意外,因為佢哋今季已經有加利卡希爾、法比加斯同大衛雷斯先後拎過紅牌,亦係今季英超紅牌最多嘅球隊。曼聯則有63次,但摩連奴領導嘅球隊,一向都唔踢斯文波,所以亦係意料之中。
至於第三同第四位都分別落入升班馬手中,分別係哈特斯菲爾德同紐卡素。Big 6中,北倫敦雙雄熱刺同阿仙奴就分列第六同第七,而曼城嘅犯規得46次,唔喺榜內十大,排第16位;利物浦就最斯文,排第19位,全隊犯規得42次。