【本報訊】被抄牌而大罵警員的男女是去年停刊的《新報》前社長馮兆榮及其太太，馮接受《蘋果》查詢時表示事發時因急往醫院探病，才會違例切雙白線掉頭，被警員截停抄牌亦願意配合，「本來好小事」，但批評該名警員故意嘆慢板：「左查右查，搞咗成半個鐘，態度又囂張，好似耀武揚威咁。」太太才會發炮怒轟。事後雖然被網民起底，但馮強調絕不後悔，更力撐老婆「佢鬧得啱！」

「佢怠慢良好市民」

馮兆榮表示，事發時他被警員截停抄牌，已經合作交出車牌，但批評對方只顧法理，不顧情理，而且警員又故意將時間拖慢。「又call呢樣，講嗰樣，call上總部問車牌，問有冇過期」。
他形容太太性格較為剛烈，見對方嘆慢板，單單寫下「威利麻街」4字便耗時數分鐘，才會失風度大罵警員：「係咪唔識字？」馮指摘警員故意拖慢抄牌時間，「啲人（圍觀者）幫吓口，佢仲抄慢啲！好似耀武揚威咁」，令夫婦感氣結。
馮認為事件是小事一樁。坦言並不後悔，「太太係為正義而戰，佢（警員）係怠慢咗良好市民」。
馮兆榮是資深傳媒人，於2010年出任《新報》社長，至2014年退休，而《新報》於去年7月停刊。
■記者文兆麟