組合Soler前晚在九龍灣為有線電視第1台舉行「Soler孖你聖誕Show」音樂會，吸引近百歌迷到場欣賞，Soler即場與歌迷玩遊戲，更免費送上熊抱做聖誕禮物，認真識做。不過可能因為Soler久未舉行音樂會，所以當大孖Julio獻唱成名作《失魂》時竟然老貓燒鬚忘記歌詞，最後要在歌迷的和唱下完成演唱。

對於幫有線做節目是否擔心會得罪無綫，Soler說：「同無綫冇合約喇，因為之前官司問題，佢哋要舊公司寫份嘢證明先肯同我哋簽，咁我哋要繼續做嘢，而且對我哋嚟講無綫都冇乜音樂節目，所以唔係咁適合。」
此外，問Julio聖誕節會否與緋聞女友Angela度過時，他避忌地表示自己沒有女友，至於是否已分手，Julio只笑而不答，並表示現時只會做好自己份工。
採訪：駱華齡
攝影：葉君海