回歸前由一班華資富豪打本成立嘅香港明天更好基金，回歸後無大事可做，今年再舉辦「外交知識競賽」，得獎學生可以免費去北京睇奧運。基金執委會主席陳啓宗向來敢言，噚日同傳媒茶敍時，有記者問佢對政改睇法，佢話香港喺呢個議題上缺乏理性討論，好少人討論民主利弊，否則會被「人格謀殺」（characterassassination）。
陳啓宗話去年暑假曾提出呢個議題，即刻俾《蘋果》批評，內容「不堪入目」。陳啓宗政見勁保守，反對加快民主步伐忤逆民意，理應受批評。今年庫房水浸，人人建議政府派糖，陳啓宗又包拗頸，指1,000億盈餘唔係大數目，喺國際大鱷眼中濕濕碎。《福布斯》最新公佈香港富豪榜，估計陳啓宗有214.5億身家，排第19位。