列尼史葛今次執導科幻新片《火星任務》，近年有好幾部電影都不約而同以外太空為主題，列尼嘅《火星任務》仲拍得好真實，問佢點樣去捕捉電影嘅神髓呢？列尼話：「因為故事於火星發生，係我腦海中已經想像到有一啲大石做背景，然後再計劃設計一啲火山口、天空等環境。」問佢會唔會想到火星探險？列尼話：「唔會呀，係地球生活幾好呀！」

戲中有唔少講世界各地精英協助拯救麥迪文嘅劇情，列尼都話片中帶出拯救別人嘅信息：「因為我覺得係應該要去救人，應該要去幫人，不應該只計較金錢，依家大家都談論緊敍利亞嘅難民問題，英國仲可以容納更多伊斯蘭教徒嗎？如果真係有太空人被遺留於外太空，NASA一定會不惜一切去拯救。」對於主角麥迪文，列尼就讚佢：「因為佢為人好正直、聰明同幽默，而角色都有呢啲特性，所以佢最適合去演呢個角色。」