曼聯噚日逼和般尼2:2之後，領隊摩連奴賽後呻紅魔鬼唔夠錢使，同曼城嘅財力無得比，因為「藍月亮連買閘位球員都係用前鋒價」。摩佬仲燒埋阿仙奴、車路士同熱刺果疊，話呢三隊波嘅歷史同曼聯無得比，所以無爭標嘅壓力。

事隔一日，首先出嚟還擊嘅係兵工廠掌門人雲格，雲爺爺非常簡單直接咁叫摩佬咪埋怨咁多，又話自己領軍21年早就學識「接受現實」，明白硬係有啲球會係比自己有錢。呢位法國籍領隊話：「我坐呢個位21年，依家唔投訴㗎喇，總係有三、四隊波會比我有錢，咁咪接受現實囉，量力而為。曼城、車路士同曼聯一向都比阿仙奴有錢，你都要搵辦法成功㗎嘛。」

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM