相士批40歲暴肥
樂基兒祈黎明愛到中年

蘋果日報 2007/06/23 00:00

  • empty
    少有戴眼鏡示人的樂基兒，露出小肚腩，她揚言希望男友黎明（小圖）不要介意。
  • empty
    時裝騷以黑白雙色為主題，男女模特兒非黑即白，型格演繹手袋和鞋履。
  • empty
    官恩娜跟小丑扭氣球小狗，有板有眼。
  • empty
    四洲太子女戴凱欣雖有新戀情，但為保護男友，暫時單拖亮相。
  • empty
    育有一子的歐陽妙芝，今胎又是男嬰，她笑言誓要追個女，組成個「嬲」字。
    專賣荷李活女星珍妮花洛庇絲（JenniferLopez）、BetseyJohnson品牌鞋袋的配飾店SoleTown，前晚在銅鑼灣開幕，請來名模樂基兒、CaraG.及多位洋模穿上貼身背心裙行騷。樂基兒以白色超短裙上陣，坐低騷美腿時不慎春光乍洩，認真失策。
    樂基兒事後接受訪問時表示真空上陣，她說：「係呀，所以今日好平囉！因為我唔記得戴一個冇帶嘅bra嚟，咪冇得用囉。」問她可知自己透點兼凸點？她說：「我知，我成日都係咁，做嘢啫，唔介意，慣咗喇。」男友黎明可會介意？她甜笑說：「佢開始習慣，佢唔係好concern呢啲嘢。」
    樂基兒謂黎明沒投訴她着衫少，問她可有被男友讚身材好？她說：「佢冇讚我，可能因為我成日食嘢，所以肚腩大囉，其實我唔知男人對女人身材點睇，希望佢唔介意啦，相士話我40歲後會好肥，希望佢到時唔好介意。」相士有否透露她的婚期？樂基兒說：「我未有計劃，sofar佢都係我partner、我男友，唔知會唔會結婚。」
    女人愛鞋，懷孕四個半月的歐陽妙芝、「四洲太子女」戴凱欣等都有捧場，關心妍及官恩娜更不約而同表示指自己個子嬌小，愛穿高跟鞋，更因此着到腰痛及仆倒傷腳。官恩娜見現場有小丑扭氣球，她即席露兩手扭出一隻小狗，但她怕尷尬，拒絕吹長條形氣球。
    採訪：JessicaNgan
    攝影：EdwardChou