就讀港大同學會書院考生李楠軒憑著DSE中英數及英國文學科4科5**成績，獲得獎學金，入讀英國牛津大學，主修歷史。兩年前申請獎學金出國留學的他，因為認為自己有能力亦有興趣修讀歷史，也希望以史為鑑，「本身喜歡閱讀同寫作，又發現自己係文字嘅吸收能力比起數理方面強；加上讀歷史可以培養一種識見同眼光」。

李的成績足夠在本港升學，惟最終決定到牛津就讀，「因為外國較重視歷史，（人文學科的）師資同資源都較好，香港除咗唔重視人文學科，老闆都唔識欣賞歷史系學生嘅才能」。李直言不認同社會的功利風氣，「好似一定要讀啲搵到錢、專業嘅學科；我自己都有少少想脫離呢種競爭同催谷嘅風氣，亦都唔贊同呢個功利、勢利嘅香港社會」。

李慨嘆政府不重視人文科目，否則會想留在香港讀歷史，「如果（政府）重視都會留係度讀，始終香港係我屋企，可惜見唔到有咩資源」。他又稱不擔心出路，感謝父母不干預他選科。

對於是否支持特首梁振英連任，李指在現時制度下，梁振英只是一個棋子，香港人應更著眼一國兩制的矛盾。他又稱將來無意參政，但可以考慮智庫類型的工作。