吳君如、鄭伊健及謝安琪今日喺沙田馬場出席「萬馬奔騰·萬眾一心」裝置藝術及教育計劃活動,政務司司長林鄭月娥任主禮嘉賓,君如嘅女兒亦有到場。
君如話今次嘅馬匹設計有參與構思,係指鹿為馬,意思係要識分黑白是非,君如話自己本身都學緊畫畫,但唔係好大天份,依家迫小朋友畫畫,自己都要以身作則,佢學,我又學,佢話:「因為囡囡兩歲幾開始學畫畫,依家開始幾辛苦,會扭計同嗌攰。」君如大讚囡囡畫畫天份幾好,全屋已掛滿她的畫。
謝安琪(Kay)近日忙拍無綫新劇《殭》,提到鄭嘉穎被指拍此劇撻著陳凱琳,Kay話冇留意,大家拍得好融洽,友誼有進步,唔覺得佢哋眉來眼去,佢話:「凱琳本身好活潑,但冇留意佢哋有冇特別傾偈,佢地劇中有感情線,好俊美嘅一對。」